«Госуслугаҕа» эбэтэр баан сыһыарыытыгар киирии туһунан СМС соһуччу туттаххына, тута бэйэҥ аккауҥҥар киирэн, парольгун уларытарга холонуохха наада. Бу туһунан РФ ИДЬМ пресс-киинигэр сигэнэн ТАСС иһитиннэрэр.
“”Госуслугаҕа” эбэтэр баан сыһыарыытыгар киирэр былаана суох сырыттаххына, эмискэ СМС-иһитиннэриилэр кэллэхтэринэ, тута тус аккауҥҥар киирэн, парольгун уларытыахха наада», — диэтилэр биэдэмистибэҕэ.
Өскөтүн аккауҥҥар киирии кыаллыбат буоллаҕына, ИДЬМ тута МФЦ-га эбэтэр туһааннаах бааҥҥа учуоттуур сирэйи “блоктуулларыгар” этэргэ уонна кэлин онно киириини чөлүгэр түһэрэргэ сүбэлииллэр.
