Саха сирин баһылыга Айсен Николаев «Саха» НКИХ ханаалга быһа биэриигэ эппитинэн, быйыл олоҕу быыһыыр наадалаах эми хааччыйыыга үбүлээһин хас да бүк улаатыннарыллыбыт — 4 миллиард солкуобай кэриҥэ көрүллүбүт.
«»Сахафармация» таһымыгар кииннээһин түмүгэр, биһиги 300 мөлүйүөн солкуобай кэриҥи кэмчилээтибит, ону эмиэ наадалаах эмтэри атыылаһарга ыыттыбыт», — диэтэ Айсен Николаев.
Баһылык чуолкайдаабытынан, «Сахафармация» нөҥүө эмп сыаната бары оройуоннарга биир тэҥ кэриэтэ. Кини билигин дойду үрдүнэн эмтэри аҕалыыга кыһалҕалар үөскүөхтэрин сөбүн, ол эрэн манна быраастар кэмигэр дьаһаналлара наадатын бэлиэтээтэ.
