Российскай Федерация Судаарыстыбаннай Думатын депутаттарын быыбара түмүктэннэ. Барыллаан дааннайынан, «Биир Ньыгыл Россия» баартыйа эрэллээхтик инники иһэр. Биһиги өрөспүүбүлүкэбитин баартыйа испииһэгэр Галина Данчикова уонна Василий Егоров туталлар. Барыллаан дааннайынан, биир мандаттаах уокурукка Петр Шамаев кыайыыны ситиһэр, диэн суруйда Ил Дархан Айсен Николаев МАХ ханаала.
Бу күннэргэ быыбардыыр учаастактарга кэлэн куоластарын биэрбит өрөспүүбүлүкэ олохтоохторугар барыларыгар махтанабын. Саха сирин дьоно төрөөбүт өрөспүүбүлүкэлэрин, бүтүн дойду инники кэскилигэр көхтөөх гражданскай позицияларын, кыһамньыларын өссө төгүл көрдөрдүлэр.
“Биир Ньыгыл Россия» баартыйа маннык түмүгэ, бастатан туран, дьон иннигэр улахан эппиэтинэс. Кэлиҥҥи сылларга элбэх оҥоһулунна, өрөспүүбүлүкэҕэ суолталаах бырайыактар олоххо киирдилэр, саҥа оскуолалар, балыыһалар, суоллар тутулуннулар, уопсастыбаннай миэстэлэр тубустулар. Ол эрээри инники үлэ өссө да элбэх. Олохтоохтору өйөөһүн баартыйа ылыммыт эбээһинэһин салгыы толоруохтааҕын, дьон олоҕор үчүгэйгэ чопчу уларыйарын ситиһиэхтээҕин биллэрэр.
Петр Виталиевич иһин үөрэбин. Кини олох боччумнаах суолун ааспыта, анал байыаннай дьайыыга кыттыбыта, өрөспүүбүлүкэни уонна олохтоохтору долгутар кыһалҕалары үчүгэйдик билэр. Кини уопута уонна Саха сирин билиитэ өрөспүүбүлүкэ интэриэһин туруулаһыыга уонна биһиги олохтоохторбутугар наадалаах быһаарыылары федеральнай таһымҥа таһаарыыга улахан суолталаах буолуоҕа диэн эрэнэбин.
Быыбар түмүктэннэ. Хас биирдии киһи бэйэтэ көрүүлээх, бэйэтэ талыылаах эрээри, Саха сирэ биһиэхэ биир уонна уопсай сорукпут биир – сайдыыбытын өссө күүһүрдэн, оҕолорбутугар сөптөөх кэскили хааччыйыы. Иннибитигэр улахан үлэ күүтэр. Бииргэ – иннибит диэки!
