Саха сирин Арктикатын оройуоннарыгар таһаҕаһы тиэйии түмүктэнэрэ чугаһаата — сүрүн хааччыйыылар балаҕан ыйын 30 күнүгэр диэри бүтүөхтээхтэр, диэн Саха Өрөспүүбүлүкэтин тырааныспарга уонна суол хаһаайыстыбатыгар министиэристибэтэ иһитиннэрдэ.
Биэдэмистибэ эппитинэн, «Росморречфлот» бирикээһигэр олоҕуран (30.12.2025с.), Өлүөнэ бассейныгар суудуналар сырыыларын тохтотор болдьохтор туруорулуннулар. Ол гынан баран дьиҥнээх дааталар күн-дьыл уонна гидрологическай усулуобуйалартан тутулуктаахтар.
Навигация бастакы тохтобуллара бэлиэтэннилэр:
Индигирка өрүскэ (Крест-Майор бөһ. учаастага — Үрүҥ Хайа бөһ.) — балаҕан ыйын 10 күнүгэр;
Дьааҥы өрүскэ (Батагай бөһ. учаастага — Адыаччы үрэх төрдө) — балаҕан ыйын 16 күнүгэр.
Навигацияны тохтотуу сүрүн учаастактарга:
Индигирка өрүс (Чокурдах бөһ.) — алтынньы 3 күнэ;
Дьааҥы өрүс (Усть-Куйга бөһ. — Нижнеянскай бөһ.) — балаҕан ыйын 30 күнэ;
Халыма өрүс: Сеймчан бөһ. — Зырянка бөһ. — алтынньы 4 күнэ;
Орто Халыма к. — Черскэй бөһ. — алтынньы 3 күнэ;
Зырянка бөһ. — Орто Халыма к. — алтынньы 10 күнэ;
Өлүөнэ өрүс:
Бүлүү өрүс төрдө — Эдьигээн к. — алтынньы 10 күнэ;
Остуолба арыы — Быыкап Мыыс — балаҕан ыйын 30 күнэ;
Бүлүү өрүс — балаҕан ыйын 30 күнэ;
Алдан өрүс — алтынньы 12 күнэ.
Саха сирин тырааныспарга министиэристибэтэ бары интэриэстээх дьоҥҥо санатар: айаны эрдэттэн былааннааҥ уонна навигация бүтүөр диэри таһаҕаһы тиэйиҥ.
