Дьокуускайга алтынньы 1-4 күннэригэр остуол тенниһигэр Саха сирин чемпионата буолар. Күрэхтэһии 2027 сыл сайыныгар Ньурба оройуонугар ыытыллар өрөспүүбүлүкэ норуоттарын IX Спортивнай оонньууларыгар сүүмэрдиир түһүмэх буолуоҕа, диэн ЯСИА иһитиннэрэр.
Чемпионат «Кыайыы 50 сыла» спорт дыбарыаһыгар тэриллиэҕэ. Үгэс быһыытынан спортсменнар Саха сирин сүүмэрдэммит хамаандатыгар миэстэ иһин киирсиэхтэрэ. Эһиилги сыл сүрүн күрэһигэр быйылгы оройуон хамаандалара путевка ылыахтара.
«Өрөспүүбүлүкэ норуоттарын Спортивнай оонньууларыгар эр дьон уонна дьахталлар ортолоругар алта хамаанданан путевка оонньонуоҕа. Барыта уон икки путевка бэриллэр. Билигин сайаапканы ыытыы салҕанар. Билиҥҥитэ 20 эр киһи хамаандата уонна 19 дьахтар хамаандата бэлиэтэннэ. Кыттааччылар уопсай ахсааннара быһа холоон 250 спортсмен буолуон сөп. Интэриэһинэй күрэһи күүтэбит» — диэн ЯСИА-ҕа Саха сирин остуол тенниһин Федерациятын бэрэсидьиэнэ Петр Максимов эттэ.
Санаттахха, Саха сирин баһылыга Айсен Николаев дьаһалынан, өрөспүүбүлүкэ норуоттарын IX Спортивнай оонньуулара 2027 сыл от ыйын 7 күнүттэн от ыйын 11 күнүгэр диэри Ньурба оройуонугар ыытыллыахтара.
