21 От ыйа 21.07
  • 28°
  • $ 88,02
  • 96,04

“Уһук Илиҥҥи гектар” иэнэ улаатыан сөп

15:18, 25 января 2017
Текст:
Читайте нас на
Яндекс Новости
ЯДВ

Арассыыйа Уһук Илини сайыннарыыга министиэристибэтэ “Уһук Илиҥҥи гектардарын” көдьүүстээхтик туһанааччыларга сирдэрин иэнин улаатыннарар кыаҕы биэрэри үөрэтэр. Бу туһунан миниистири солбуйааччы Александр Крутиков “Биир ньыгыл Арассыыйа” баартыйа сийиэһин кэмигэр иһитиннэрдэ. Сиһилии edersaas.ru ааҕыҥ.


Александр Крутиков дьон ылбыт сирдэрин иэнин улаатыннаран, тыа хаһаайыстыбатын салааларынан, урбаан араас көрүҥүнэн көдьүүстээхтик дьарыктаналларыгар толору кыаҕы биэрэр туһунан Госдуума дьокутааттарын этиилэрин үөрэтэ сылдьабыт диэтэ. Төһө кээмэйгэ диэри улаатыннарыан баҕарарын, чунуобунньук сотору чопчулуох буолла.

Санатар буоллахха, 2016 сыл бэс ыйын 1 күнүттэн күүһүгэр киирбит сокуоҥҥа олоҕуран, Арассыыйа гражданина Уһук Илиҥҥи уокурукка биир гектар иэннээх сири босхо ылар кыахтаммыта. Учаастагын биэс сыл босхо туһаммыт киһи сирин салгыы түүлэһиэн, биитэр бас билиитигэр ылыан сөп. 2017 сыл олунньу 1 күнүттэн Арассыыйа гражданнара, ханна олороллоруттан тутулуга суох, Уһук Илиҥҥи уокурукка биир гектар сир хаһаайынынан буолар бырааптаналлар.

Следите за самым важным и интересным в Telegram-канале и WhatsApp-группе ЯСИА
Тутаах тыллар