Саха сиригэр от ыйын 10 күнүттэн биллэриллибит ойуур баһаарын утары оһуобай эрэһиим тохтотулунна. Бу быһаарыыны күн-дьыл усулуобуйатынан, ойуурга баһаар куттала намтаабытынан ыллылар. Туһааннаах ыйаахха өрөспүүбүлүкэ баһылыга Айсен Николаев илии баттаата.
Олохтоох бэйэни салайыныы уорганнарыгар муниципальнай тэриллиилэр сирдэригэр-уоттарыгар олохтоммут баһаартан куттал суох буолуутун эбии ирдэбиллэрин тохтоторго уонна ол туһунан олохтоохторго, тэрилтэлэргэ иһитиннэрэргэ этилиннэ.
Ыйаах толоруллуутун хонтуруоллааһыны бырабыыталыстыба бэрэссэдээтэлин бастакы солбуйааччытын эбээһинэһин толорооччу Николай Бочковка сүктэрдилэр.
