Арассыыйа бэрэсидьиэнэ Владимир Путин Арассыыйаттан СНГ сорох дойдуларыгар кумааҕы харчыны таһаарыы быраабылаларын кытаатыннарда. Бу туһунан РИА Новости иһитиннэрэр.
Ыйаахха олоҕуран, Евразиятааҕы экономическай сойуус дойдуларыгар, Азербайджан Өрөспүүбүлүкэтигэр, Таджикистаҥҥа уонна Узбекистанҥа биирдиилээн дьон мөлүйүөн солкуобайтан тахса суумалаах кумааҕы валютаны таһаарара бобуллар.
Маны таһынан, юридическай сирэйдэр уонна урбаанньыттар, кумааҕы харчы сууматыттан тутулуга суох, таһаарыылара бобуллар.
Бырабыыталыстыба быһаарбыт аэропортарынан харчыны таһаарарга быраабылаттан туорааһын оҥоһуллар. Онуоха таһаарар киһи счетуттан кумааҕы харчыны устубутун туоһулуур баан бигэргэтиитэ наада.
Бобууну кэһэр түгэҥҥэ, мөлүйүөн солкуобайтан ордук суума харчы былдьаныаҕа.
