Саха сирин тырааныспарын уонна суол хаһаайыстыбатын министиэристибэтэ паромнар сырыыларын тохтотор барыллаан күннэрин иһитиннэрдэ. Болдьохтор халлаан туругуттан уонна муус туруутун тэтимин учуоттаан уларыйыахтарын сөп.
Сезон быыһык кэмигэр пассажирдары таһыыга Өлүөнэ, Алдан уонна Бүлүү өрүстэргэ салгын олбохтоох суудуналар (хивустар) уонна аэроботтар туһаныллыахтара. Суудуналар сырыылара күнүскү эрэ кэмҥэ ыытыллыаҕа.
Өлүөнэ өрүскэ
Дьокуускай — Аллараа Бэстээх: барыллаан алтынньы 18 күнүгэр диэри үлэлиир, салгыы сезон быыһык кыраапыгар көһөр, тарыып үрдүүр. Кангаласс — Суотту: үлэ түмүктэнэр күнэ — алтынньы 16 күнэ. Өлүөхүмэ — Заречнай: алтынньы 15 күнүгэр диэри үлэлиир. Хаачыкаат — Мохсоҕоллоох: алтынньы 16 күнүгэр диэри үлэлиир.
Алдан өрүскэ
Мэҥэ Алдан — Кэскил: алтынньы 15 күнүгэр үлэ түмүктэнэр. Уус — Майа — Элдьикээн: алтынньы 10 күнүгэр үлэ бүппүт.
Бүлүү өрүскэ
Үөһээ Бүлүү — Хоро: алтынньы 20 күнүгэр диэри үлэлиир. Ньурба — Күндээдэ: алтынньы 18 күнүгэр диэри үлэлиир. Кириэстээх — Мииринэй: алтынньы 18 күнүгэр үлэ түмүктэнэр. Сунтаар — Устье: алтынньы 18 күнүгэр диэри үлэлиир.
Амма өрүскэ
Амма — Бөтүҥ: алтынньы 13 күнүгэр үлэ бүппүт.
