Судаарыстыбаннай Дуума дьокутаата ТАСС ааҕыныстыбаҕа кэпсииринэн: «Өскөтүн хоско салгын сылааһа +18 кыраадыстан, оттон кыра хоско +20 кыраадыстан намыһах буоллаҕына, бу сокуону кэһии буолар. Маннык түгэҥҥэ хомунаалынай сулууспалар төлөбүрү кыччатыахтаахтар».
Төлөбүрү кыччатарга тугу гыныахха сөбүй?
Дьиэҕит тымныы буоллаҕына, көннөрү айдаарбакка, маннык хардыылары оҥоруохтааххыт:
1. Сайаапка биэриҥ: Бэйэҕит дьиэҕитин көрөр Управляющай хампаанньа аварийнай-диспетчерскэй сулууспатыгар эрийэн, температураны кэмнииллэригэр модьуйуҥ.
2. Аахтаны толоруҥ: УК үлэһиттэрэ кэлэн температураны кэмнээн баран, тустаах аахта оҥоруохтаахтар.
3. Анал кэмниир тэрили туруоралларын ирдээҥ: Кэмнээһини дьиэҕэ туттуллар көннөрү термометрынан буолбакка, «Аршин» диэн судаарыстыбаннай информационнай пуондатыгар киирбит, анал тургутууну ааспыт тэрилинэн эрэ оҥоруохтаахтар.
Температураны хайдах сөпкө кэмнииллэрий?
Анал тэрили дьиэ саамай улахан хоһун ортотугар, муостаттан 1 миэтэрэ үрдүккэ, тас эркинтэн уонна батареяттан 0,5 миэтэрэ тэйиччи тутан кэмниэхтээхтэр.
Управляющай хампаанньа аккаастаннаҕына хайыыбыт?
Өскөтүн УК сайаапкаҕытын көрбөтөх эбэтэр төлөбүрү хос ааҕартан аккаастаннаҕына, олохтоохтор Судаарыстыбаннай дьиэ-уот иниспиэксийэтигэр эбэтэр Роспотребнадзорга үҥсүөхтэрин сөп.
Санатан эттэххэ, быйыл Арассыыйа үрдүнэн ОДьКХ тарыыптара ортотунан 9,9 % үрдээбиттэрэ. Сорох эрэгийиэннэргэ бу көрдөрүү өссө үрдүк: холобур, Ставрополь кыраайыгар 22 %, оттон Тюмень уобалаһыгар 17,2 % тиийбитэ.
