Саха сиригэр тыатааҕы нэһилиэнньэлээх пууҥҥа тахсыыта 90-тан тахса түбэлтэтэ бэлиэтэннэ.
“2026 сылга өрөспүүбүлүкэҕэ нэһилиэнньэлээх пууннарга уонна баахтабай бөһүөлэктэргэ көстүүлэрэ 92 түбэлтэтэ бэлиэтэннэ. Дьон олохторугар куттал үөскээбитинэн, 605 эһэ ахсаанын бэрээдэктииргэ 335 быһаарыы таһаарылынна”, — диэн РИА-новостига Айылҕаны туһаныы уонна экология министиэрстибэтэ иһитиннэрдэ.
Сыл аайы Нерюнгри, Ленскэй, Мииринэй, Өлүөхүмэ, Амма, Бүлүү, Мэҥэ Хаҥалас уонна Горнай улуустарыгар элбэх түбэлтэ бэлиэтэнэр.
Экология министиэристибэтин булт уонна булт ресурсаларын харыстааһыҥҥа департаменын салайааччыта Владимир Решетников ЯСИА-ҕа кэпсииринэн, бүтэһик биэс сылга хагдаҥ эһэ тахсыытын туһунан иһитиннэриилэр 2,5 төгүл кэриҥэ элбээтэ.
АБ Айылҕа министиэристибэтин дааннайынан, Саха сиригэр 18,8 тыһыынча хагдаҥ эһэ баар.
Тылбаас: Саргылана Слепцова
