Саха сирин чэпчэки атлетикатын спортсмена Наталья Леонтьева 10 км шоссега сүүрүүгэ Арассыыйа чөмпүйэнээтигэр кытынна. Кини топ-5 бастыҥ көрдөрүүлээхтэр истэригэр тус ситиһиитинэн киирдэ, диэн ЯСИА иһитиннэрэр.
10 км шоссега сүүрүүгэ Арассыыйа чөмпүйэнээтэ Москваҕа «Лукойл Арены» тула буолан ааста. Бу көрүҥ соторутааҕыта официальнай статустаммыта.
Наталья Леонтьева дистанцияны 33 мүнүүтэ 10 сөкүүндэнэн ааста. Кини көрдөрүүтэ Москва уобалаһыттан Софья Каменевалыын тэҥ.
Кыайыылааҕынан Воронеж уобалаһыттан Светлана Аплачкина буолла. Кини дистанцияны 31 мүнүүтэ 32 сөкүүндэнэн түмүктээтэ.
Санатар буоллахха, Наталья Леонтьева балаҕан ыйын 27 күнүгэр Москватааҕы марафоҥҥа кыттыбыта, онно кини күүстээхтэр топ-8 киирбитэ.
