Дьокуускайга «Саҥа ааттар» өрөспүүбүлүкэтээҕи мас-рестлинг турнира түмүктэннэ. Бу күрэхтэһии уратыта диэн, манна бу көрүҥҥэ успуорт маастардара, ону тэҥэ улахан өрөспүүбүлүкэтээҕи күрэхтэр кыайыылаахтара уонна призердара кыттыбаттар, диэн СИА иһитиннэрэр.
Турнирга хамаандалартан 124 спортсмен, сүрүннээн Дьокуускай үөрэх кыһаларын, успуорт оскуолаларын уонна кулууптарын бэрэстэбиитэллэрэ кытыннылар.
Күрэхтэһиини национальнай многоборье сулустара киэргэттилэр. Кинилэр идэтийбит мас тардыһааччы буолбатахтарынан, кытталлара көҥүллэнэр. Кинилэр истэригэр Дыгын Оонньууларын билиҥҥи чөмпүйүөнэ Артём Дьяконов, ону тэҥэ Николай Обоев, Давыд Колесов, Владислав Попов, Владлен Сергеев уонна да атыттар бааллар. Аан бастаан национальнай ыстаныыларга успуорт маастара Еремей Ильин кытынна, кини боруонса мэтээлгэ дьиҥнээх кыахтаах этэ, ол эрэн дьоҕус финалга 1:2 ахсаанынан хоттордо.
Дыгын Оонньууларын триумфатора Артём Дьяконов (80 кг диэри) ситиһиилээхтик үрүҥ көмүс призер буолла, финал аҥарыгар кини Владислав Попову (2:0) кыайда. Ол эрэн кыһыл көмүс иһин киирсиигэ кинини Хаҥалас улууһуттан эдэр мас тардыһааччы Уйгун Ушницкай баһыйда, кини Айсен Молуков салалтатынан АГАТУ-га биир сыл дьарыктанар.
АГАТУ өссө биир устудьуона Эрсан Михайлов 60 кг диэри ыйааһыҥҥа кыһыл көмүһү ылла, финалга өрөспүүбүлүкэ эдэрдэргэ лиидэрэ Тимур Луковцевы кыайда.
Турнирга 85 кг диэри ыйааһыҥҥа Ньурба улууһуттан биллэр многоборец Николай Обоев эмиэ кыайыылаах таҕыста. Кинилэр хапсыһыылара төгүрүк систиэмэнэн барда.
Кыайыылаахтар уонна призердар:
50 кг: 1. Анастасия Шкулева (ХИФУ), 2. Ньургуяна Копырина (Нам);
55 кг: 1. Алина Федорова (ХИФУ), 2. Мария Попова (ХИФУ), 3. Диана Антонова (ХИФУ);
60 кг: 1. Марина Федорова (ХИФУ), 2. Милана Громова (Абый), 3. Далаана Черемкина (ДЮСШ-1);
65 кг: 1. Дайаана Пахомова-Омукчанова (ХИФУ);
75 кг: 1. Айыына Нестерова (Уус Алдан);
55 кг: 1. Эрсан Михайлов (АГАТУ), 2. Тимур Луковцев (Мэҥэ Хаҥалас), 3. Эдгар Васильев (ДЮСШ-1);
60 кг: 1. Евгений Говоров (Чурапчы), 2. Дьулус Прокопьев (Сунтаар), 3. Ариан Неустроев (ХИФУ);
65 кг: 1. Максим Иовлев (Таатта), 2. Айтал Кириллин (АГАТУ), 3. Марат Жигалов (АГАТУ);
70 кг: 1. Гаврил Назаров (Амма), 2. Ренат Николаев (ДЮСШ-1), 3. Эрсан Егоров (ЯИПК);
75 кг: 1. Алексей Архипов (Модун), 2. Марсен Колесов (СК «Боотур»), 3. Максим Митрофанов (Чурапчытааҕы спорт оскуолата);
80 кг: 1. Уйгун Ушницкай (АГАТУ), 2. Артём Дьяконов (Кэбээйи), 3. Ньургун Тихонов (Амма);
85 кг: 1. Николай Обоев (Модун), 2. Уйусхан Максимов (Горнай), 3. Давыд Колесов (Мэҥэ Хаҥалас);
90 кг: 1. Богдан Луковцев (Горнай), 2. Айаан Николаев (ХИФУ), 3. Владлен Сергеев (Нам);
105 кг: 1. Георгий Мельник (Булуҥ), 2. Владимир Индеев (Сунтаар), 3. Кирилл Васильев (ДЮСШ-1);
105+ кг: 1. Степан Попов (Мэҥэ Хаҥалас), 2. Артур Дьячковскай (АГАТУ), 3. Артём Шепелёв (ДЮСШ-1).
