Арассыыйаҕа инбэлииттэргэ ый аайы бэриллэр харчыны эһиил олунньу 1 күнүттэн инфляция таһымынан үрдэтиэхтэрэ. Бу туһунан РФ Бырабыыталыстыбатын бэрэссэдээтэлин солбуйааччы Татьяна Голикова иһитиннэрбитин ТАСС ааҕыныстыба суруйар.
Вице-премьер бэлиэтээбитинэн, нэһилиэнньэҕэ ый аайы бэриллэр төлөбүр федеральнай бүддьүөттэн уонна Социальнай пуонда бүддьүөтүттэн үбүлэнэр. Маннык социальнай төлөбүрдэр сыл аайы уларыйа турар экэниэмикэҕэ сөп түбэһиннэрэн индексацияланаллар.
Татьяна Голикова этэринэн, инникитин даҕаны, ол иһигэр 2027 сылга, бу дьаһал тохтуо суоҕа — судаарыстыба дьон иннигэр ылыммыт социальнай эбээһинэһин толоруоҕа.
Эбии чуолкайдаммытынан, 2027 сыл олунньу 1 күнүттэн төлөбүрдэр 2026 сыллааҕы инфляция таһымыгар тэҥнэнэн үрдүөхтэрэ. Билиҥҥи сабаҕалааһынынан, көрдөрүү 6,8% тэҥнэһиэн сөп, суруйда Саха сирэ саайт.
