“СибОйл” уматык хампаанньатын генеральнай дириэктэрэ Сергей Черных Дьокуускайдааҕы сапараапкалар үлэлэрин туһунан быһаарда.
Кини этэринэн, билиҥҥи кэмҥэ Дьокуускай сапараапкаларыгар АИ-97 уонна АИ-95 бэнсиин уматык каартанан эрэ атыыланар. Бу уматыгынан хааччыллар тэрилтэлэри маҥнайгы уочарат киллэрэр кыаҕы биэрэр: олохтоох салалта уонна доруобуйа харыстабылын тэрилтэлэрэ, тыа хаһаайыстыбатын үлэһиттэрэ, оһол уонна суһал сулууспалара.
Хампаанньа сотору саҥа баартыйа тиэллэн кэлэрин күүтэрин Черных бэлиэтээтэ. Уматык тиэллэн кэллэҕинэ, бэнсиини атыылааһын бары суоппардарга урукку бэрээдэгинэн барыаҕа.
Балаҕан ыйын 25 күнүн сарсыардатыгар “СибОйл” Дьокуускайга бэнсиини уматык каарталарынан эрэ атыылаан саҕалаабытын туһунан санатабыт.
Тылбаас: Саргылана Слепцова
