Дьокуускайга хомус оту утары охсуһуу дьаһалларын күүһүрдүөхтэрэ. Бээтинсэҕэ, субуотаҕа уонна өрөбүлгэ куорат күөллэрин таһыгар хаппыт оту уонна хомуһу охсон суох оҥоруохтара. Бу туһунан киин куорат баһылыга иһитиннэрдэ.
«Биһиэхэ баһаартан сэрэтэр сулууспа официальнай сорудаҕа баар, ону тумнар табыллыбат. Биэрэккэ хаппыт от уонна хомус — бу олорор дьиэлэргэ уонна экэниэмикэ эбийиэктэригэр олус кутталлаах. Тымныйбытынан уонна күн-дьыл туругун учуоттаан, оту дьаһайыы үлэтин болдьоҕун көһөрөр табыллыбат», — диэн Дмитрий Садовников суруйда.
Кини бу биирдэ эрэ ыытыллар дьаһал буолбатах диэн бэлиэтээтэ — үлэ былааннаахтык барыахтаах. Быйыл 200 гектар сиргэ оту уонна хомуһу охсубуттара, ол гынан баран ити ситэтэ суох. Дьаһаллар сири сайыннарар департаменынан сүрүннэнэллэр. Управалар кыһалҕалаах сирдэри, ордук хомус хото үүнэр сирдэрин билэллэр.
Сайсары күөлгэ ураты болҕомто ууруллуоҕа.
«Мин манна көрүүм уларыйбат: кырдьык, оту охсуу ыытыллыаҕа, ол эрээри ити ситэтэ суох. Күөлгэ от үүнүүтүн тохтоторго ордук дьоһуннаах, систиэмэлээх сыһыан наада», — диэн баһылык тоһоҕолоон бэлиэтээтэ.
