СӨ Бырабыыталыстыбата уонна Луганскай Норуодунай Өрөспүүбүлүкэ бииргэ үлэлиир туһунан сөбүлэһиини түһэристилэр. Докумуоҥҥа Ил Дархан Айсен Николаев уонна ЛНӨ баһылыга Леонид Пасечник илии баттаатылар.
Сөбүлэһии сыалынан-оругунан эргиэҥҥэ-экэниэмикэ, научнай-тэхиньиичэскэй, социальнай уонна култуура эйгэтигэр норуоттар ардыларынааҕы бииргэ үлэлээһини кэҥэтии уонна бөҕөргөтүү буолар. Эрэгийиэннэр хардарыта сибээстээх үлэлэрин тутуу, тыа хаһаайыстыбатын, инновация, үөрэх уонна наука, доруобуйа харыстабылын, уо.д.а. салааларын сайыннарар санаалаахтар.
Докумуон 5 сыллаах болдьоххо суоттанна уонна илии баттаммыт күнүттэн күүһүгэр киирдэ.
«Саха сирэ уонна Луганскай народнай өрөспүүбүлүкэ социальнай-экэнэмиичэскэй эйгэҕэ үлэтэ номнуо олохтонно уонна бүгүн илии баттаабыт докумуоммут эрэгийиэннэр икки ардыларыгар хардарыта сибээһи бөҕөргөтөн биэрэр. ЛНӨ күүстээх бырамыысыланнай кыаҕа тэрилиннэ. Чугастааҕы кэмҥэ биһиги хардарыта, биэс сылга сибээспит биллэ кэҥиэ уонна бөҕөргүө диэн эрэнэбин», — диэн эттэ Ил Дархан докумуоҥҥа илии баттаан баран.
«Эрэгийиэннэр икки ардыларыгар эргиэн-экэнэмиичэскэй, научнай-тэхиньиичэскэй, социальнай, культурнай уонна да атын бииргэ үлэлээһин туһунан сөбүлэһиигэ илии баттанна. Бу биһиги Саха сирин кытары үлэбитинэн сыһыаммытын сайыннарарга дьоһун хардыы, — диэтэ ЛНӨ баһылыга Леонид Пасечник. — Биһиги номнуо бигэтик уонна кытаанахтык доҕордостубут. Аны билигин араас эйгэҕэ сибээспитин сайыннарабыт».
Түмүккэ Ил Дархан ЛНӨ баһылыгар сулууспалыы сылдьар Саха сирин байыаннай сулууспалаахтарыгар көмөтүн, өйөбүлүн иһин махтанна, суруйда СӨ Ил Дарханын уонна Бырабыыталыстыбатын пресс-сулууспата.
Источник: Саха сирэ саайт.
