Саха сиригэр барыта 224 килэмиэтир регионнааҕы айан суола оҥоһуллуоҕа.
19,5 килэмиэтир устатыгар «Умнас» суолга 1 Нөөрүктээйигэ, «Амма» суолга Бырамаҕа, «Кэбээйигэ» Арҕаска, «Харбалаах» суолга Харбалаахха, «Мүрүгэ» Арыылаах, Майаҕас, Мындааба, «Нам» суолугар Бүтэй Үрдүгэр сырдатыы үлэтин ыытыахтара.
Эбии уулусса сырдатыытын «Нам» суолга Аппааныга, Кириэс-Кытылга, «Умнас» суолугар Улахан-Ааҥҥа, Ойго уонна Булгунньахтаахха оҥоруохтара.
РФ президенэ Владимир Путин көҕүлээбит «Безопасные и качественные дороги» нацбырайыак 2024 сылынан түмүктэммитэ. Суол үлэтэ 2025 сылтан саҥа «Инфраструктура для жизни» нацбырайыагынан ыытыллар.
