20 От ыйа 20.07
  • 17°
  • $ 88,02
  • 96,04

Атырдьах ыйын 29 күнэ. Ырыаһыттар Семен Оконешников, Майкл Джексон төрөөбүттэр - Бикипиэдьийэ

09:01, 29 августа 2020
Текст:
Читайте нас на
Яндекс Новости
ЯДВ

1944 сыллаахха бу күн Нам Бөтүҥэр опера ырыаһыта, Арассыыйа Федерациятын норуодунай артыыһа Семен Оконешников оттон 1958 сыллаахха Америка Индиана штатыгар аан дойду аатырбыт ырыаһыта, «поп-музыка Хоруола», үҥкүүһүт, Грэмми бириэмийэтин 15 төгүллээх хаһаайына Майкл Джексон төрөөбүттэр. 


Атырдьах ыйын 29 диэн Грегориан халандаарыгар сыл 241-с күнэ (ордук хонуктаах сылга 242-c күнэ). Сыл бүтүө 124 күн баар.

Бэлиэ күннэр:

Түбэлтэлэр:

  • 1752 — Коллежскай асессор Уар Еропкин Саха сирин бойобуодатынан анаммыт, кини бу солоҕо 1754 сыл бэс ыйын 28 күнүгэр дылы сулууспалаабыт.
  • 1831 — Англия учуонайа Майкл Фарадей элэктирэ маҕыньыыт көстүүтүн индукцияны арыйбыт, о.э. магнетизм элэктириичистибэни үөскэтэрин булбут. Бу айылҕа көстүүтэ элэктирэтиэхиньикэҕэ киэҥник туттуллар: элэктирэмотуорга, гэньэрээтэргэ, трансформаторга уо.д.а.
  • 1885 — Ньиэмэс конустурууктардара Готтлиб Даймлер уонна Вильгельм Майбах бастакы матассыыкылы оҥорбуттар.
  • 1912 — Сахалар Уобаластааҕы сийиэстэрин бэһис күнэ. Мунньах сарсыардааҥы чааһыгар хоргуйуу содулун туһунан кэпсэппиттэр, үүнүү мөлтөҕүттэн нолуок кыайан төлөммөккө үөскээбит иэһи хайдах суох гынары ырытыспыттар. Оросин учуутал сэминээрийэ аһыллыытын туһунан боппуруоһу көтөхпүт.

Киэһээҥи өттүгэр мунньахха күбүрүнээтэр И.И. Крафт, вице-күбүрүнээтэр А.П. Нарышкин, Уобаластааҕы барыбылыанньа советнига Н.М. Березкин кыттыбыттар. Күбүрүнээтэр сири саҥаттан тыырыы туһунан сымыйа сурах тарҕаммытын кэпсээбит. Ол гынан баран, кэлин хаһан эрэ син биир, кыраай колонизацията буолуон сөбүн ыйбыт.

Төрөөбүттэр:

Өлбүттэр:

Следите за самым важным и интересным в Telegram-канале и WhatsApp-группе ЯСИА