5 тыһыынча кэриҥэ киһи доруобай аһылык оскуолатыгар үөрэммиттэрин туһунан вице-премьер Ольга Балабкина Ленскэй улууһугар бырабыыталыстыба отчуотугар кэпсээтэ диэн, СИА иһитиннэрэр.
«Өрөспүүбүлүкэҕэ доруобуйа уон сылын биллэрдилэр. ГТО-ҕа бэлэми тургутар 42 муниципальнай киин аһылынна, олортон 22-тэ спорт тэрилинэн хааччылынна. Доруобай аһылык оскуолата тэрилиннэ, 5 тыһ. киһи үөрэннэ», — диэтэ Ольга Балабкина.
Олохтоох телевидениеҕэ «мой доктор» диэн бырайыак үлэҕэ киирдэ, мэдэссиинэ хайысхалаах 11 биэрии тахсар. «Саҥа төрөөбүт оҕо генетическэй пааспора» бырайыагы олоххо киллэрии саҕаланна.
Доруобуйа харыстабылын маҥнайгы сүһүөҕүн сайыннарарга 6,6 млрд солк, ол иһигэр 2021 сылга — 2,4 млрд солк көрүлүннэ.
