Таатта улууһун Иван Николаевич Гуляев аатынан Туора Күөл орто оскуолатыгар Илин Эҥэрдээҕи асчыт уолаттарга саха төрүт аһын Аан дойдуга тиийэ аатырдыбыт, Саха саарына, Иннокентий Иннокентьевич Тарбахов 80 сааһын көрсө «Тарбаахаптыы астыахха» күрэх 14 төгүлүн ыытыллар дьоро күнэ буолан ааста, суруйда «Таатта» хаһыат.
Бүгүн биһиэхэ ыраахтан кэлбит күндү ыалдьыттарынан буоллулар: Иннокентий Иннокентьевич Тарбаахап төрөппүт кыыһа, “Территориальный фонд медицинского страхования” тэрилтэ юридическай отделын начальнигын солбуйааччы Харлампьева Агафья Иннокентьевна, туйах хатарааччы сиэн уола, «Red&Green” шеф – повара Тарбахов Семен Сергеевич, » Тыгын Дархан” гостинично – рестораннай комплекс салайааччыта — Львова Светлана Ивановна, АГАТУ ас астааһын технологияларын кафедратын профессора Степанов Константин Максимович, саха төрүт аһын киэҥ эйгэҕэ тарҕатааччы, » Тыгын Дархан» ресторан үлэһиттэрэ: шеф повар Матаннанов Константин Васильевич, старшай горничнай Данилова Александра Владимировна, администратор Григорьева Айна Владимировна, маркетолог Андросова Евгения Владимировна.
Күрэххэ барыта 19 уол Амматтан, Мэҥэ Хаҥаластан, Уус Алдантан, Чурапчыттан, Тааттаттан кэлэн кытыннылар.
Асчыттар түөрт түһүмэхтэн турар уустук көрүҥнэри аастылар. Ол курдук, саха төрүт аһыттан салаат, шашлык астаатылар, онно сөптөөх араас гарнирдары, сонун соустары оҥорон, бүлүүдэлэрин сиэдэрэйдик киэргэтэн сөхтөрдүлэр.Сахалыы чэй, иэдьэгэйтэн минньигэс десерт оҥордулар. Уолаттар бары тутталлара – хапталлара түргэнэ, бэрт уустук бүлүүдэлэри ыйыллыбыт бириэмэҕэ сатабыллаахтык астаан, дьүүллүүр сүбэҕэ көмүскээтилэр.
Бары бэрт эрэллээхтик туттан-хаптан, ас астыыр үөрүйэхтээхтэрэ көстөр.
Түөрт чаас устата тохтобула суох түөрт көрүҥ бүлүүдэни астаан, дьүүллүүр сүбэҕэ көмүскээтилэр. Уолаттар бастаан долгуйбут буоллахтарына, ас астаан, буһан – хатан, уһуктан, бэйэлэрин сатыыр үөрүйэхтэригэр түргэнник киирдилэр.
Дьүүллүүр сүбэ түмүк таһаарарын бары да олус долгуйа күүттүбүт.
«Кылаан чыпчаал» үрдүк аатын ылла Таатта улууһун А.Е.Кулаковскай аатынан Дьохсоҕон орто оскуолатын 10 кылааһын үөрэнээччитэ Попов Максим (сал.Попова Елена Егоровна, Габышев Семен Лукич).
1 үрдэл — Таатта улууһун Иван Николаевич Гуляев аатынан Туора – Күөл орто оскуолатын 10 кылааһын үөрэнээччитэ Белолюбскай Айсен( сал.Гуляева Алина Ивановна, Чупрова Сардана Васильевна);
2 үрдэл – Мэҥэ Хаҥалас улууһун С.Н.Михайлов аатынан Чыамайыкы орто оскуолатын 10 кылааһын үөрэнээччитэ Захаров Антон (сал. Иванова Юлия Петровна);
3 үрдэл — Чурапчы улууһун Р.И.Константинов аатынан Амма орто оскуолатын 8 кылааһын үөрэнээччитэ Климов Олег (сал. Игнатьева Лилия Николаевна, Иннокентьева Елена Петровна); 1 үктэл- Таатта улууһун Э.К.Пекарскай аатынан Игидэй орто оскуолатын 10 кылааһын үөрэнээччитэ Никифоров Кеша (сал. Захарова Любовь Николаевна, Васильева Санаайа Александровна);
2 үктэл- Таатта улууһун Алампа аатынан Ытык – Күөл 1 нүөмэрдээх орто оскуолатын 10 кылааһын үөрэнээччитэ Мурунов Илья (сал. Поисеева Надежда Архиповна);
3 үктэл- Мэҥэ Хаҥалас С.Н. Михайлов аатынан Чыамайыкы орто оскуолатын 8 кылааһын үөрэнээччитэ Владимиров Марик ( сал. Иванова Юлия Петровна).
Кыайыылаах уолаттарга тэрийээччилэр анал кубок туттардылар, ыраахтан кэлбит ыалдьыттарбыт мэтээллэри кэтэттилэр, анал бириистэринэн наҕараадалаатылар.
Анал ааттары ыллылар:
«Уран тарбахтаах маастар» — Таатта улууһун Тыараһа анал коррекционнай оскуола 8 кылааһын үөрэнээччитэ Толстяков Айысхаан (сал. Аммосова Айталина Михайловна, Егорова Татьяна Петровна);
«Кэскиллээх асчыт”- Таатта улууһун И.М.Хатылаев аатынан Баайаҕа орто оскуолатын 7 кылааһын үөрэнээччитэ Неустроев Дьулусхан( сал.Макарова Парасковья Васильевна);
«Амтаннаах астаах» — Таатта улууһун А.Е.Мординов аатынан Тааттатааҕы лицей 8 кылааһын үөрэнээччитэ Варламов Коля (сал. Иванова Мария Ивановна);
«Алгыстаах астаах» — Амма улууһун В.Г.Короленко аатынан Амма 1 нүөмэрдээх орто оскуолатын 8 кылааһын үөрэнээччитэ Иванов Эрхан ( сал. Гаврильева Ньургуйаана Егоровна, Сибирякова Мария Семеновна);
«Саха сандалытын маастара»- Уус Алдан улууһун А.Н.Жирков аатынан Бэйдиҥэ орто оскуолатын 10 кылааһын үөрэнээччитэ Егоров Влад ( сал. Васильева Лариса Семеновна, Стручкова Любовь Павловна);
«Минньигэс астаах» — Таатта улууһун Тыараһа анал коррекционнай оскуолатын 9 кылааһын үөрэнээччитэ Вырдылин Никола ( сал. Аммосова Айталина Михайловна, Егорова Татьяна Петровна);
«Дэгиттэр асчыт» — Таатта улууһун Алампа аатынан 1 нүөмэрдээх орто оскуолатын 10 кылааһын үөрэнээччитэ Иовлев Максим ( сал. Поисеева Надежда Архиповна);
«Сатабыллаах асчыт» — Таатта улууһун Д.А. Петров аатынан 2 нүөмэрдээх орто оскуолатын 8 кылааһын үөрэнээччитэ Кычкин Толя (сал. Петрова Александра Петровна);
«Сонун бүлүүдэ маастара» — Мэҥэ Хаҥалас улууһун » Кэрэли» эбии үөрэхтээһин киинин 9 кылааһын үөрэнээччитэ Нестеров Кеша ( сал. Скрябина Мотрена Григорьевна);
«Иэдьэгэйтэн сонун көрүҥнээх бүлүүдэ» — Таатта улууһун Өксөкүлээх Өлөксөй аатынан Дьохсоҕон орто оскуолатын 10 кылааһын үөрэнээччитэ Комиссаров Артур ( сал. Габышев Семен Лукич, Попова Елена Егоровна);
» Эт ас маастара» — Уус Алдан улууһун А.Н.Жирков аатынан Бэйдиҥэ орто оскуолатын 10 кылааһын үөрэнээччитэ Торговкин Дуолан ( сал. Васильева Лариса Семеновна, Стручкова Любовь Павловна);
» Уран асчыт» — Амма улууһун В.Г.Короленко аатынан Амма 1 нүөмэрдээх орто оскуолатын 8 кылааһын үөрэнээччитэ Гаврильев Руслан ( Артемьева Февронья Федоровна, Сибирякова Мария Семеновна).
Ону таһынан, Семен Сергеевич Тарбахов бэйэтин анал бирииһин туттарда А.Е. Мординов аатынан Тааттатааҕы лицей 8 кылааһын үөрэнээччитигэр Варламов Коляҕа.
Күрэххэ кыттыбыт оҕолор бары «өттүк харалаах, илии тутуурдаах» үөрэн-көтөн тарҕастылар.
