20 От ыйа 20.07
  • 22°
  • $ 88,02
  • 96,04

14-тэн 25-гэр диэри саастаах предпринимателлэргэ 1 мөл солк диэри грант бириэхтэрин сөп

Фото архив ЯСИА
Читайте нас на
Яндекс Новости
ЯДВ

25-гэр диэри саастаах эдэр предпринимателлэргэ  бэйэ бизнеһин сайыннарыыга 1 мөл. солкуобайга диэри грант бириэхтэрэ.

Бу граны ким ылыан сөбүй?

  • 14-тэн 25-гэр диэри саастаахтар тэрийбит ИП-лара уонна юридическай сирэйдэрэ.
  • 18 сааһыгар диэри төрөппүт көҥүлүнэн арыйбыт буолуохтаахтар.
  • Өскөтүн сайаапка юридическай сирэй аатыттан кэлэр буоллаҕына, эдэр киһи хампаанньаҕа 50-тэн тахса быраһыаны бас билиэхтээх.

Грант суумата хаһый?

  • Саамай кырата-100 тыһ. солк.
  • Муҥутуура – 500 тыһ. солк. (Арктика зонатыгар 1 мөл. солк. диэри).

Бары регионнар граны биэрии бэрээдэгин бэйэлэрэ бигэргэтэллэр уонна тустаах докумуоннары бэлэмнииллэр, онон сайаапканы ылар болдьох регион аайы тус туһунан. Саха сирэ эмиэ бу бырагыраамаҕа киирсэр эрээри, 25-гэр диэри саастаах предпринимателлэргэ тустаах балаһыанньаны оҥоро сылдьаллар, быһа холоон сыл иккис аҥаарыгар биллэрии тахсыаҕа диэн СИА-ҕа Саха Өрөспүүбүлүкэтин предпринимательствоҕа, эргиэҥҥэ уонна туризмҥа министиэристибэтин пресс-сулууспата иһитиннэрдэ.

«2023 сылга бу көмөҕө 31,5 мөл. солк. кэриҥэ үп бэриллэрэ былааннанар. Бу сууманы социальнай тэрилтэлэр уонна 25-гэр диэри саастаах эдэр предпринимателлэр үллэстиэхтэрэ. Билигин Саха сиригэр социальнай тэрилтэ быһыытынан 124 урбаанньыт үлэлиир», — диэн министиэристибэҕэ чуолкайдаатылар.

25-гэр диэри саастаах эдэр урбаанньыттар социальнай реестрга киирэллэрэ булгуччута суох.

Социальнай предпринимателлэр реестрдэригэр киирбит дьоҕус уонна орто бизнес урбаанньыттарын, ону тэҥэ 25-гэр диэри саастаах эдэр предпринимателлэри гран куонкуруһугар кыттарга ыҥыраллар. Реестргэ киирэргэ сайаапканы тохсунньу 24 күнүттэн ыла биэриэххэ сөп. Докумуоннары ылыы муус устар 30 күнүгэр диэри ыытыллыаҕа. Куонкурус 2023 сыл үһүс кыбаарталыгар ыытыллыаҕа, билигин чопчу даатата биллибэт.

Ким социальнай предприниматель буолуон сөбүй?

  • Инбэлииттэргэ, соҕотох уонна элбэх оҕолоох төрөппүттэргэ, биэнсийэлээхтэргэ уонна да атын социальнай кыһалҕалаах дьоҥҥо) үлэ миэстэтин таһааран, хамнас төлүүр уонна олох хаачыстыбаларын үрдэтэр дьоҕус эбэтэр орто бизнес тэрилтэлэрэ.
  • Кыаммат-түгэммэт, социальнай кыһалҕалаах дьоҥҥо табаары атыылыыр эбэтэр көмө оҥорор тэрилтэрлэр.
  • Инбэлииттэр уонна атын социальнай кыһалҕалаах дьон оҥорон таһаарбыт табаардарын дьоҥҥо-сэргэҕэ тарҕатар-атыылыр тэрилтэлэр.
  • Социальнай суолталаах өҥөлөр (үөрэх, социальнай өҥө, култуура уо. д. а.)
  • Бэйэлэрэ инбэлиит буолан олорор чааһынай предпринимателлэр

Маныаха, социальнай предпринимателлэр реестрдарыгар киирэргэ сааһынан хааччахтааһын суох

Сайаапкалары бу аадырыһынан ыытыахха син:
— Болдьоҕо — 2023 сыл тохсунньу 24 күнүттэн муус устар 30 күнүгэр диэри
— электроннай аадырыс: minpred.orp@mail.ru
— Дьокуускай куорат, Ленин пр. 22, 2 этээстээх кабинет, 203 (приемнай)

Эбии боппуруостарынан билсэр сирэй: Николаева Дайаана Руслановна – предпринимательство сайдыытын отделын исписэлииһэ, т: +7 (4112) 506-582.
Сайаапкалары биэрии наадалаах докумуоннарын испииһэгэ уонна реестргэ киирии усулуобуйата бу сыылканан киирдэххэ баар.
«Мой бизнес» киин отделениеларыгар сайаапкалары биэриигэ консультационнай көмөнү оҥороллор уонна 8 800 100 58 80 нүөмэринэн эмиэ билсиэххэ ыйытылаһыахха син.

Санатан эттэххэ, «Дьоҕус, орто уонна тус предпринимательствоны өйөөһүн» национальнай бырайыак сыала-соруга бизнеһи сайыннарыыны бары түһүмэххэ өйөөһүн: идея саҥатыттан кэҥэтиигэ уонна экспорга тахсыар диэри. РФ бэрэсэдьиэнэ Владимир Путин көҕүлээбит национальнай бырайыактара 2019 сылга саҕаламмыттара.

Следите за самым важным и интересным в Telegram-канале и WhatsApp-группе ЯСИА