Тыа хаһаайыстыбатын министиэристибэтигэр икки күннээх семинар түмүктэннэ. Кыттааччылар тыа сиригэр бэйэлэрин бизнестэрин арынан, дохуот аахсалларыгар өйөбүл буолар бырагыраамалар тустарынан иһиттилэр.
Исписэлиистэр бэйэлэрин хайысхаларынан фермер оҥорон таһаарыытыгар отчуотугар, судаарыстыбаннай бырагыраамаларга ырытыылары оҥордулар.
Ресурснай киин өҥөнү оҥорууга отделын салайааччыта Майя Гуляева «Агротуризм», «Агростартап» уонна «Семейная ферма» бырагыраамаларга уларыйыылары, эбиилэри кэпсээтэ.
Хаартыска: СИА
«Агростартап куонкурса муус устар — ыам ыйа ыытыллара былааннанар. Билигин быйылгы дьыллааҕы Бэрээдэк сөбүлэҥи ааһар. Икки күн бырагыраамаларга туох-ханнык уларыйыылар киирбиттэригэр иһитиннэриилэри оҥордубут, элбэх практика чааһа барда. Бизнес-былааны хайдах суруйуохха сөбүттэн саҕалаан, отчуоту оҥорууга тиийэ ырытыылары оҥордубут», — диэтэ кини.
Семинар түмүгүнэн билиилэрин дириҥэтэн үөрэппиттэрин туһунан сертификат туттулар.
