Дьокуускайга Кыайыы 80 сылын киэҥник бэлиэтээри бэлэмнэнэллэр. Тэрээһиннэр бырагыраамаларыгар байыаннай-патриотическай аахсыйалар, кэнсиэрдэр, итиэннэ байыаннай дьайыы саҕаланыаҕыттан бастакытын бырааһынньыктааҕы салюту ытыахтара диэн киин куорат дьаһалтата иһитиннэрэр.
Тэрийээччилэр бэлэмнэнии үлэтин ыам ыйын 5 күнүгэр түмүктүүр былааннаахтар. Кыайыы 80 сылын бэлиэтиир сүрүн тэрээһиннэр ыам ыйын 8-9 күннэригэр ыытыллыахтара. Дьокуускайга Орджоникидзе болуоссатыттан Доҕордоһуу болуоссатыгар диэри «Кыайыы проспега» диэн уопсай ааттаах араас локациялар тэриллиэхтэрэ.
Салюту Кыайыы болуоссатыгар ытыахтара, суруйда Саха сирэ саайт.
