Батсаабынан Кубань24 телеханаал «Хорошее утро» биэриитэ тарҕанна, манна Таатта улууһун Ытык Күөлүттэн сюжет көһүннэ. Видеоролик үс сыллааҕыта уһуллубут, «Ы» буукуба бырааһынньыгар анамыт.
Биэрии ыытааччылара Россия каартатыгар Ытык-Күөлү булбуттар уонна олохтоох дьаһалтаҕа сибээскэ тахсыбыттар. Бу кэмтэн Кубань24 уонна ытык күөллэр доҕордоһуулара саҕаламмыт.
«Биһиэхэ телеханаал ыытааччылара сибээскэ тахсан Кубань олохтоохторугар анаан видео устан ыытарбытыгар эппиттэрэ. Олунньу 2 күнүгэр алпаабыт 29 буукубата — ы — бэлиэтэнэр эбит. Нуучча тылыгар бу буукубаттан тахсар тыл олус аҕыйах, куораттар уонна сэлиэнньэлэр эрэ бааллар. Кубань олохтоохторо маны көрдүү олорон биһиги сэлиэнньэбитигэр харахтара хатаммыт. Онон Краснодарскай кыраай олохтоохторо Саха сирин туһунан билбиттэр. Ытык Күөл таһыгар устууну ыыппыппыт. Улуус баһылыга Михаил Соров оройуон уратытын уонна айылҕатын кэпсээбитэ. Ол кэмтэн Кубань тэлэбиидэнньэтин кытта доҕордоһобут», — Таатта улууһун тэрийэр-быраап управлениетын кылаабынай исписэлииһэ Анна Яковлева кэпсээтэ.
Кинилэр доҕордоһуулара манан тохтообот. 2019 сыллаахха Хадаайы алааһыттан эҕэрдэ тиийэр. Маны сэргэ таатталары Ийэ тыл күнүгэр эпииргэ таһаараллар.
Сиһилии https://ysia.ru/druzhba-telekanala-kuban24-i-zhitelej-sela-ytyk-kyuel-yakutii-nachalos-s-bukvy-y/
