Тыйаатыр уонна киинэ артыыһа Изабелла Васильевна Николаева бүгүн 70 сааһын бэлиэтиир.
Изабелла Николаеваны култуура миниистирэ Юрий Куприянов эҕэрдэлээтэ.
Миниистир Изабелла Васильевна идэҕэ бэриниитин, талаанын, эдэр артыыстарга үтүө холобур буоларын бэлиэтээтэ. Үбүлүөйдээх артыыска доруобуйаны, саҥа сонун оруоллары, дьолу баҕарда.
Изабелла Васильевна Николаева — Ньурба оройуонун Ньурба бөһүөлэгэр төрөөбүт.
1974 сыллаахха М. С. Щепкин аатынан Үрдүкү Москватааҕы театральнай училище саха студиятын драма театрын уонна киинэ артыыһын идэтигэр үөрэнэн бүтэрбит.
1974 сылтан — П. А. Ойуунускай аатынан Саха академическай театр артыыһа.
Саха Сирин комсомолун бириэмийэтин лауреата («Сыл бастыҥ дебюта», Манчаары спектакльга Фекла оруолун иһин), (1986)
Саха Өрөспүүбүлүкэтин үтүөлээх артыыһа (2002)
Российскай Федерация үтүөлээх артыыһа (2005)
