19 От ыйа 19.07
  • 21°
  • $ 87,88
  • 96,1

Тиксиигэ "Саас кыысчаан" аатын Настя Соловьева ылла

12:54, 10 марта 2016
Текст:
Читайте нас на
Яндекс Новости
ЯДВ

Кыракый кыргыттар бырааһынньыктара буолан ааста. Кэрэ эйгэтин кэрэхсиир күҥҥэ Тиксиитээҕи бастакы нүөмэрдээх оскуолаттан уонна Арктикатааҕы гимназияттан түөртүү кыыс кытыннылар.


Күрэхтэһии биэс түһүмэҕинэн ааста: “Бэйэни билиһиннэрии”, “Ин­теллектуальнай куонкурус”, “Аван­гарднай муода”, “Мин артыыс­ка­бын” уонна “Грация”. Бу тэрээһини куруук буоларын курдук дьиэ кэргэҥҥэ уонна оҕоҕо социальнай киин уонна култуурнай спортивнай комплекс ыыттылар.

“Бэйэни билиһиннэрии” түһү­мэххэ билиҥҥи кэм ир­дэбилинэн бары презентация көрдөрөн бэйэлэрин билиһиннэрдилэр. “Интел­лектуальнай” түһүмэххэ урукку кэмнэрдээҕи мультфильмнары билэллэрин бигэргэттилэр. “Мин артыыскабын” диэҥҥэ хоһооннору аахтылар, ырыа ылланна, үҥкүү арааһын толорон көрөөччүлэр биһирэбиллэрин ыллылар.

Түһүмэхтэр түмүктэринэн “Мисс Улыбка” номинацияны Арина До­рофеева, “Мисс Очарование” Кира Кандинская, “Мисс Интеллект” Лена Каратаева, “Мисс Оригинальность” Наташа Тата­ринова, “Мисс Дружба” Лиза Стручкова, “Мисс Грация” Карина Шумилова ыллылар, иккис миэстэ хаһаайкатынан Надя Данилова буолла. Оттон Тиксии Кэрэ Куотунан Настя Соловьева аат­танна.

Следите за самым важным и интересным в Telegram-канале и WhatsApp-группе ЯСИА