Атырдьах ыйын 15-с күнүгэр Сунтаар улууһун Хадан нэһилиэгиттэн Роман Попов уонна Геннадий Пустоляков Монголияҕа туруннулар. Улан-Баторга диэри саха атынан үс ый айаннаан тиийиэхтэрэ диэн улуус администрациятыгар кэпсээтилэр.
Роман Попов, Геннадий Пустоляков уонна Аркадий Попов нэһилиэктэрин 125 сылыгар анаан 400 килэмиэтирдээх айаны 10 хонук иһигэр түмүктээбиттэрэ. Ону кытары биллибит Дугуйдан Винокуров айаныгар кинини Ленскэй улууһугар диэри атаарбыттара. Ол туһунан Хадан баһылыга Андрей Оконешников кэпсээтэ.
