15 От ыйа 15.07
  • 28°
  • $ 87,74
  • 95,76

«Сахачай» кучу чэйин Японияҕа таһаарыахтара

13:01, 08 декабря 2020
Текст:
Читайте нас на
Яндекс Новости
ЯДВ

«Сахачай» кучу чэйин Японияҕа таһаарыахтара. Маныаха чэй клиническэй тургутууну ааһыахтаах. Бу туһунан ТАССка тыа хаһаайыстыбатын миниистирин солбуйааччы Василий Афанасьев эттэ.


«Japan GreenTea диэн дьоппуон хампаанньата Арассыыйа кучу чэйин оҥорооччуларын үөрэтэн баран, саха чэйин талбыта. Клиническэй тургутук кэннэ Япония хампаанньата «Сахачай» бородууксуйатын экспортка ылыан сөп», — диэтэ Афанасьев.

«Japan GreenTea  хампаанньатын кытары барыллаан сөбүлэһии түмүгүнэн клиническэй тургутуу ыытыахтаахпыт. Онно 8 мөл кэриҥэ харчы наада. Билигин ити боппуруоһу тобулабыт», — диэтэ миниистири солбуйааччы.

«Сахачай» салайааччыта Ньургуйаана Заморщикова саха кучу чэйэ түөрт дойду атыы дьиэлэригэр атыыланарын этэр. «Биһиги Japan GreenTea хампаанньаны кытары меморандум түһэрсибиппит. Сылга туонна кэриҥэ чэйи Японияҕа таһаарар кыахтаахпыт», — диэтэ кини.

Следите за самым важным и интересным в Telegram-канале и WhatsApp-группе ЯСИА