29 Кулун тутар 29.03
  • -15°
  • $ 92,26
  • 99,71

Саха сирин норуоттарын спортивнай оонньууларын 2022 сыллааҕы балаһыанньата бигэргэннэ

17:32, 16 сентября 2021
Текст:
Читайте нас на
Яндекс Новости
ЯДВ

Уус Алдаҥҥа буолуохтаах Саха сирин норуоттарын VIII спортивнай оонньууларын бырагыраамата Амматааҕы күрэхтэһиилэртэн элбэх уларытыылары, көннөрүүлэри көрүстэ. Кэлэр сылга элбэх саҥа баар буолуоҕа. Холобур, классическай баскетбол стритболу солбуйуо, чэпчэки атлетика спортивнай хаамыынан эбиллиэҕэ, оттон ГТО комплекса көрүҥ быһыытынан киириэҕэ. Бу уонна да атын уларыйыылардаах Оонньуулар тэрээһиннэрэ бигэргэннэ, СИА суруйар. 

«VIII Спортивнай оонньуулар балаһыанньаларыгар тэрийэр кэмитиэт бэрэссэдээтэлэ, бырабыыталыстыба вице-премьера Сергей Местников илии баттаата. Бары санитарнай-эпидемиологическай куттал суох буолуутун ирдэбиллэрэ тутуһуллаллара сурулунна, вакциналаныы, анаалыстаныы ирдэнэр. Манчаары оонньууларыгар тута финал буолбут буоллаҕына, билигин балаһыанньаттан көрөн, үс түһүмэҕи ыытарга соруктанабыт. Ол эбэтэр урукку сыллар курдук: муниципальнай, өрөспүүбүлүкэтээҕи уонна финал Уус Алдан улууһугар. Ил Дархан Айсен Николаев эрдэ эппитинэн, 2022 сыллааҕы Оонньуулар өрөспүүбүлүкэ 100 сылыгар ыытыллар бөдөҥ дьаһаллартан биирдэстэрэ. Үрдүк таһымҥа барыахтаах», — СИА-ҕа спорт миниистирэ Александр Бугаев эттэ.

Хамаандалар түөрт бөлөххө арахсыахтара.

Бастакыга: Дьокуускай, Хаҥалас, Бүлүү, Ньурба, Нерюнгри, Мэҥэ Хаҥалас, Мииринэй, Алдан, Ленскэй оройуоттара уонна ХИФУ.

Иккискэ: Чурапчы, Амма, Нам, Сунтаар, Таатта, Үөһээ Бүлүү, Өлүөхүмэ улуустара, Уус Алдан хаһаайын буоларынан икки хамаанданы туруорар бырааптаах. Маны сэргэ АГАТУ уонна РССС киирэллэр.

Үһүскэ: Кэбээйи, Томпо, Горнай, Өймөкөөн, Уус Майа, Дьааҥы, Орто Халыма уонна Жатай.

Төрдүскэ: Аллайыаха, Булуҥ, Анаабыр, Үөһээ Халыма, Усуйаана, Өлөөн, Муома, Эдьигээн, Аллараа Халыма,Эбээн Бытантай уонна Абый.

Сиһилии: https://ysia.ru/mnogo-novogo-utverdili-polozhenie-sportivnyh-igr-narodov-yakutii-2022/

Следите за самым важным и интересным в Telegram-канале и WhatsApp-группе ЯСИА