Уһун тохтобул кэнниттэн 2027 сылга биэнсийэни индексациялааһын икки төгүл ыытыллыаҕа. Бу туһунан РФ бырабыыталыстыбатын бэрэссэдээтэлин солбуйааччы Татьяна Голикова ТАСС пресс-конференциятыгар иһитиннэрдэ.
«Уһун тохтобул кэнниттэн — кини 2019 сылтан саҕаламмыта — биһиги 2027 сылга Социальнай пуонда бүддьүөтүнэн биэнсийэни индексациялааһыҥҥа икки төгүл төннөбүт», — диэтэ Голикова.
Кини чопчулаабытынан, бастакы индексация 2027 сыл олунньу 1 күнүттэн 2026 сыллааҕы дьиҥнээх инфляциянан оҥоһуллуоҕа, ол барыллааһынынан 6,8% тэҥнэһэр. Муус устар 1 күнүттэн, Голикова этэринэн, страховой биэнсийэ чааһын 2026 сылга үлэ төлөбүрүн пуондатын таһымынан үүнүү тэтиминэн индексациялыыр былааннанар.
