Саха сирин медицинатын тэрилтэлэригэр чума ыарыы киирбитинэн уонна тарҕаныытын кутталынан сибээстээн, эбии санитарнай-сырдатар дьаһаллары ыытар туһунан сымыйа докумуон тарҕанна. Бу туһунан Саха сиринээҕи Роспотребнадзор управлениета сэрэттэ.
Тэрилтэ чуолкайдаабытынан, докумуон официальнайа суох электроннай аадырыстан кэлэр, официальнай буолбатах, онно баар информация дьиҥнээх буолбатах.
Хаартыска: ЯСИА саайта
Саха сиригэр санитарнай-эпидемиологическай быһыы-майгы холку.
Саха сирин олохтоохторун уонна медицина тэрилтэлэрин сэрэхтээх буоларга, бэрэбиэркэлэммэтэх информацияны тарҕаппакка, официальнай источниктарга эрэ эрэнэргэ сүбэлииллэр.
