Саха сирин хотугу улуустарыгар хаар халыҥа 10-тан 22 см диэри, оттон Дьокуускай куорат эргин 0-тан 6 см диэри буолла. Бу туһунан Арассыыйа Гидрометкиинин сүрүн үлэһитэ Марина Макарова ТАСС-ка иһитиннэрдэ.
«Дьокуускай куорат эргин хаар халыҥа 0-тан 6 см диэри, соҕуруулуу-илин өттүгэр 17 см диэри, хотугу улуустарга номнуо 10-тан 22 см диэри хаар түспүт, ону тэҥэ Дьокуускайтан хотугулуу-арҕаа эмиэ 17 см», — диэтэ кини.
Макарова этэринэн, Саха сирэ алтынньы ортотугар килиимэт көрдөрүүлэринэн кыһыҥҥы кэмҥэ киириини саҕалыыр эрэгийиэннэргэ киирэр. Кини быһаарбытынан, сууккатааҕы орто температура нуултан намыһах көрдөрүүлэргэ ааһар, хаар мунньуллан барар. Ол эрэн, синоптик бэлиэтииринэн, бу билигин кыһын букатыннаахтык кэлиитэ буолбатах, дойду бары эрэгийиэннэригэр кыһын кэлэ илик.
