Саха сиригэр 2025–2026 сылларга «Саахарынай диабеты утары охсуһуу» федеральнай бырайыагы олоххо киллэрии чэрчитинэн 803 хат дьахтарга тохтоло суох глюкоза таһымын кэтээн көрөр систиэмэ бэрилиннэ.
Бу үлэ өрөспүүбүлүкэҕэ Арассыыйа Бэрэсидьиэнэ Владимир Путин көҕүлээбит «Уһун уонна көхтөөх олох» национальнай бырайыак сыалларын-соруктарын толорууга ыытыллар.
Сайаана Оконешникова, глюкоза таһымын кэтээн көрөр систиэмэни ылбыт дьахтар:
«Бу мин бастакы хат буолуум, онон оҕобунаан да, бэйэбинэн да барыта этэҥҥэ буоларыгар, биллэн турар, долгуйабын. Глюкоза кэтээн көрөр систиэмэни босхо ылыахха сөбүн билэн баран, олус үөрдүм. Билигин холкубун, тоҕо диэтэххэ, глюкоза таһымын кэтээн көрөр уонна доруобуйабар ордук болҕомтолоох буолар кыахтанным. Бу улахан суолталаах кэмҥэ кыһамньыны билэн, наадалаах көмөнү ыларбыттан үөрэбин».
