16 От ыйа 16.07
  • 17°
  • $ 87,81
  • 95,78

Саха сирин элбэх оҕолоох ийэлэрэ наҕараадалары туттулар

10:02, 07 марта
Текст:
Хаартыска: ЯСИА саайта
Читайте нас на
Яндекс Новости
ЯДВ

Норуоттар ардыларынааҕы дьахтар күнүн көрсө Ил Дархан Айсен Николаев элбэх оҕолоох ийэлэргэ наҕараада туттарда. «Материнская слава» II уонна III степеннэрдээх бочуоттаах бэлиэнэн сэттэ ийэ наҕараадаланна, суруйар ЯСИА.

«Материнская слава» II степенинэн Иванна Докторова Мэҥэ Хаҥалас уонна Тамара Панькова Нам улуустарыттан наҕараадаланнылар. Кинилэр аҕыстыы оҕону иитэллэр. «Материнская слава» III степенин Евгения Васильева уонна Светлана Осипова, иккиэн Нам улууһуттан, Варвара Николаева, Ньурба оройуонуттан, Юлия Корнилова уонна Сардана Николаева, иккиэн Бүлүү улууһуттан туттулар.

Үөрүүлээх бырааһынньыкка оҕону иитэр ыаллары чиэстээтилэр. Өрөспүүбүлүкэ баһылыгын махталын Альбина уонна Алексей Проценко Дьокуускайтан туттулар. Кинилэр дьиэлэригэр бэйэлэрэ төрөппүт оҕолорун таһынан тоҕус оҕону иитэллэр.

Айсен Николаев Саха сирин дьахталларыгар анал байыаннай дьайыыга кыттар биир дойдулаахтарбытын өйүүллэригэр махтанна. Кини «Гражданская доблесть» бэлиэни Марха микрооройуон бэтэрээннэрин сэбиэтин бэрэссэдээтэлигэр Альбине Булгаковаҕа туттарда.

Следите за самым важным и интересным в Telegram-канале и WhatsApp-группе ЯСИА