28 Кулун тутар 28.03
  • -11°
  • $ 92,59
  • 100,27

Саха сиригэр санитарнай ыраастаныы икки ыйа биллэрилиннэ

13:02, 23 марта 2022
Текст:
Читайте нас на
Яндекс Новости
ЯДВ

Саха сиригэр нэһилиэнньэлээх пууннары санитарнай ыраастаныыга икки ыйдаах дьаһал биллэрилиннэ. Бырабыыталыстыба уурааҕа үлэтин саҕалаата, экология министиэристибэтин пресс-сулууспата суруйда. 

Олорор сири ыраастаныыга дьаһаллар сылын аайы ыытыллаллар.

Муниципалитеттар баһылыктарыгар былаан ылынан үлэлииллэригэр сорудах бэрилиннэ. Элбэх кыбартыыралаах дьиэлэр, даачалар, гараажтар тастарынан, атыы-эргиэн эбийиэктэрин, тутуулар ыытылла турар сирдэринэн, административнай тэрилтэлэр туһаайыыларынанн уонна да атын территорияларынан кыһыны быһа мунньуллубут бөхтөх-сахтан ыраастаныы күүскэ ыытыллыахтаах.

Былырыын төһө да коронавируһунан балаһыанньа тыҥааһыннаах буоллар, өрөспүүбүлүкэ үрдүнэн 4491 субуотунньук ыытыллыбыт, 80-тан тахса тыһыынча киһи кыттыыны ылыбыт.

Санитарнай ыраастаныы дьаһалыгар бастыҥ көрдөрүүлээх улуустар: Орто Халыма (121 субуотунньук), Өлөөн (94), Аллайыаха (67), Дьокуускай куорат (1301), Мэҥэ Хаҥалас (361), Мииринэй (233) уонна Уус Алдан (213).

Ыраастаныы экология министиэристибэтин уонна Роспотребнадзор управлениетын хонтуруолларыгар бааллар.

Следите за самым важным и интересным в Telegram-канале и WhatsApp-группе ЯСИА
Тутаах тыллар