13 От ыйа 13.07
  • 18°
  • $ 87,74
  • 95,76

Саха сиригэр нуормаҕа сөп түбэспэт сылаас күн-дьыл бэлиэтэнэр

15:36, 30 октября 2019
Текст:
Читайте нас на
Яндекс Новости
ЯДВ

Уһук Илиҥҥи уокурукка, ону тэҥэ Саха сиригэр, нуормаҕа сөбө суох сылаас күн-дьыл бэлиэтэнэр. Бу туһунан Россия күн-дьыл туругун кэтээн көрөр сулууспата иһитиннэрэр, диэн суруйар НВК «Саха».


«Хамсыыр салгын сүүрээнэ Уһук Илиҥҥи уокурук сорох регионнарыгар нуормаҕа сөп түбэспэт сылаас күнү-дьылы аҕалла. Ордук улахан көрдөрүүтэ Магадан уобалаһыгар уонна Саха сиригэр бэлиэтэнэр», — диэн этиллэр.

Өрөспүүбүлүкэ арҕаа өттүгэр салгын температуратын үрдээһинэ алтынньы ортотуттан кэтэнэр. Салгын кээмэйин орто көрдөрүүтэ бу дьыл кэмигэр -24°С тэҥнэһиэхтээҕин, билиҥҥи туругунан -16 -11°С кыраадыска тэҥнэһэр. Онон нуорматтан тахсыы 13°С кыраадыс буолбут.

«Оннооҕор тымныы киинигэр Өймөкөөҥҥө күн-дьыл туругун орто көрдөрүүтэ -23.2°С кыраадыс буолуохтааҕын, алтынньы 28 күнүгэр -14.5°С кыраадыс бэлиэтэммит», — диэн гидрометкиин тоһоҕолоото.

Маннык быһыы-майгы өрөспүүбүлүкэ соҕуруу өттүгэр эмиэ бэлиэтэнэр.

Сылыктааһын быһыытынан бу нэдиэлэ түмүктэниэр диэри маннык температура туруо.

Следите за самым важным и интересным в Telegram-канале и WhatsApp-группе ЯСИА