23 От ыйа 23.07
  • 18°
  • $ 87,78
  • 95,76

Саха сиригэр хаарбах туруктаах дьиэттэн көһөрүү түргэтиэҕэ

15:33, 23 сентября 2019
Текст:
Читайте нас на
Яндекс Новости
ЯДВ

НВК САХА — Өрөспүүбүлүкэҕэ хаарбах туруктаах дьиэлэри көһөрүүгэ туһаайыллар «Жилье» национальнай бырайыак чэрчитинэн көрүллэр федеральнай бүддьүөттэн үбүлээһинин олоххо киллэрии тиэмпэтин түргэтэтии былааннанар. Бу туһунан Ил Дархан уонна бырабыыталыстыба пресс-сулууспата иһитиннэрэр.


«Биһиги иннибитигэр кэлэр 5 сыл иһигэр 1,142 мөлүйүөн кыбадыраатынай миэтэрэ иэннээх 3,5 тыһыынча хаарбах туруктаах дьиэни көһөрөр үлэни ыытар сорук турар. Графиктан хаалыыны таһаарар кыаллыбат», — диэн өрөспүүбүлүкэ бырабыыталыстыбатын бэрэссэдээтэлэ Владимир Солодов эттэ.

Инники көһөрүллэр хаарбах туруктаах дьиэ биир кыбадыраатынай миэтэрэтин сыанатын үрдэтэри ситиһии түмүгүнэн, 2019-2021 сылларга дойду бүддьүөтүттэн эбии 20 миллиард солкуобай үбүлээһин көрүллүбүтэ диэн этиллэр.

Бу быһаарыы Өрөспүүбүлүкэ бүддьүөтүн ньоҕуруускатын намтатыа уонна 2012 сыл тохсунньу 1 күнүттэн — 2017 сыл балаҕан ыйын 1 күнүгэр диэри хаарбах туруктааҕынан ааҕыллыбыт дьиэлээх дьон үчүгэй хаачыстыбалаах дьиэ ылалларыгар төһүү күүс буолуо диэн бэлиэтэнэр.

Источник: http://nvk-online.ru

Следите за самым важным и интересным в Telegram-канале и WhatsApp-группе ЯСИА