Саха устудьуона Ньургуйаана Баишева Москваҕа устудьуоннар ортолоругар саахымакка бүтүн Арассыыйатааҕы күрэхтэһиигэ кыайда, диэн өрөспүүбүлүкэ саахымакка федерацията иһитиннэрдэ.
Саха сирин Хотугулуу-Илиҥҥи федеральнай университетын хамаандатын састаабыгар Айал Местников, Николай Захаров уонна Ньургуйаана Баишева кытыннылар.
Хамаанда бэрэстэбиитэлэ Юрий Никифоров иһитиннэрбитинэн, дьахталлар турнирдарыгар 37 спортсмен кыттыбытын, Ньургуйаана муҥутуур 7 очкоттан 6,5 очкону ылбыт. Эр дьон турнирдарыгар 64 спортсмен кыттыбыт, Айтал 15 миэстэ, оттон Николай – 32 миэстэ буолбут.
