Арктикатааҕы эргиэн-логистика хампаанньата хоту улуустарга былаанаммыт былааннаммыт ас-үөл бородууксуйатын 90%-ын кэриҥин тиэйэн ыытта.
Билигин навигация иккис түһүмэҕэ бара турарын, тэрилтэ генеральнай дириэктэрэ Сайдам Степанов ЯСИА-ҕа иһитиннэрдэ. «Билигин навигация иккис түһүмэҕэ бара турар. Бүгүҥҥү күҥҥэ ас-үөл бородуукталарын былааннаахтык аҕалыы уопсай кээмэйин 90%-нын кэриҥэ тиэлиннэ уонна ыытылынна. БилигинЭдьигээн уонна Булуҥ оройуоннарыгар анаан таһаҕаһы таһаарыы саҕаланна», — диэтэ кини.
Навигация иккис түһүмэҕэр 856 туонна ас-үөл бородууктатын тиэйэр былаан баар.
Эрдэ иһитиннэриллибитинэн, навигация бастакы түһүмэҕэр хампаанньа 644 туоннаны тиэйэн ыыппыта. АТЛК быйылгы навигацияҕа социальнай суолталаах ас-үөл бородуукталарын уопсай былаана – 1,5 тыһыынча туонна.
Арктика оройуоннарыгар таһаҕаһы тиэрдиигэ өрөспүүбүлүкэ хампаанньата бэйэтин түөрт уонна эбии көмөҕө ылбыт үс суудунаны туһанна.
