СӨ Ил Дарханын Кубогын иитинэн, эр дьоҥҥо классическай саахымаакка, Арассыыйа Кубогын түһүмэҕин блицтурнирыгар барыта 80 кыттааччы муһунна. Блицтурнир баартыйатын аайы 3-түү мүнүүтэлээх, хаамыыларыгар эбии 2-лии сөкүүндэлээх, 11 тур-тан Швейцарскай систиэмэнэн ыытылынна.
Түмүккэ, эр дьоҥҥо күүстээх саахыматчыттары быһаардылар:
1 миэстэ — Алексей Придорожнай (ХМАО-Югра, Сургут);
2 миэстэ — Олег Рычков (Приморскай кыраай, Владивосток);
3 миэстэ — Владислав Жирков (Саха сирэ, Дьокуускай);
4 миэстэ — Николай Капитонов (Чурапчы улууһа);
5 миэстэ — Денис Назаров (Мэҥэ Хаҥалас улууһа);
6 миэстэ — Вячеслав Гаврильев (Дьокуускай).
Анал бириистэргэ 70-гар диэри саастаах бэтэрээннэргэ бастыҥ көрдөрүүлээх Хабаровскай кыраайтан Юрий Лян, 70-тан үөһэ саастаах аҕам бэтэрээннэргэ бастыҥ көрдөрүүлээх Дьокуускай куораттан Семен Протодьяконов, дьахталларга бастыҥ көрдөрүүлээх Уус Алдан улууһуттан Евдокия Избекова, ыччаттарга бастыҥ көрдөрүүлээх Дьокуускай куораттан Альберт Постников, кыргыттарга бастыҥ көрдөрүүлээх Дьокуускай куораттан Арина Васильева тигистилэр.
Ааптар: Сэмэн Жендринскэй, Чурапчы улууһа
