Байаҕантай нэһилиэгэр СӨ Ил Дархана Айсен Николаев сорудаҕынан, Россия Геройа Алексей Неустроев көрдөһүүтүнэн олоххо киирэр Анатолий Заболоцкай аатынан саҥа спортивнай саала тутуутун бастакы көмүс сыбаайатын түһэрэр үөрүүлээх тэрээһинэ буолла.
Тэрээһиҥҥэ СӨ Бырабыыталыстыбатын бэрэссэдээтэлин солбуйааччы Сергей Местников, СӨ тыатын хаһаайыстыбатын миниистирэ Артем Александров, улуус баһылыга Василий Аммосов, эбийиэги тутар бэдэрээччит Анатолий Заболоцкай ыалдьыттаатылар.
Спортивнай сааланы тутууга быйылгы сылга 98 мөл солк. көрүллүбүт. Барыта 33 миэтэрэ уһуннаах, 18 миэтэрэ кэтиттээх, 3 миэтэрэ үрдүктээх саҥа спорт эбийиэгин матырыйаалын таһыыга үлэ тохтообокко барар. Маннык тэтиминэн тутууну ыытан, саҥа эбийиэги эһиилги сылга түмүктүүр былаан турар, суруйда @uamurusahargata
