«СӨ ОДЬКХ” ГУТ производственнай филиаллара бары 2026/2027 ититэр сезоҥҥа киирдилэр. Бу туһунан «МАХ» официальнай ханаалыгар тэрилтэ генеральнай дириэктэрэ Виталий Чикачев иһитиннэрдэ.
Арктика оройуоннарын кэннилэриттэн күһүҥҥү-кыһыҥҥы кэмҥэ бигэргэтиллибит кыраапык быһыытынан киин, Бүлүү уонна илин эҥэр бөлөхтөрүн филиаллара холбостулар. Бүгүҥҥү күҥҥэ сылаас социальнай эйгэ эбийиэктэригэр уонна олорор дьиэ пуондатыгар бэриллэр.
Сайыҥҥы өрөмүөн хампаанньатын чэрчитинэн 750-тан тахса итиини, ууну хааччыйар эбийиэктэри уонна 3 тыһыынча килэмиэтир кэриҥэ инженернэй ситимнэри бэлэмнээтилэр. Эбийиэктэргэ техническэй өттүнэн эргэрбит хочуолунай агрегаттарын, сүрүн уонна көмө тэриллэри өрөмүөннээһин уонна уларытыы ыытылынна, уонча килэмиэтир итии уонна уу ситимэ саҥардылынна.
«Туруоруллубут соруктарга эппиэтинэстээхтик сыһыаннаһыы уонна кыстыкка кэмигэр бэлэмнэнии иһин кэллиэгэлэрбэр махталбын тиэрдэбин. Биһиги хайаан да тутаах сыалбыт – сорукпут эбийиэктэр туруктаах үлэлэрин уонна ититэр кэм устата тохтоло суох итиинэн хааччыйыы», — диэн Виталий Чикачев бэлиэтээтэ.
