Саха сирин баһылыга кэргэнинээн бээтинсэҕэ Судаарыстыбаннай Дуума дьокутааттарын талар быыбарга куоластаатылар. Айсен Николаев өрөспүүбүлүкэ олохтоохторун 18, 19 уонна 20 ыытыллар быыбарга эппиэтинэстээхтик сыһыаннаһарга ыҥырда.
«Бүгүн үс күннээх Судаарыстыбаннай Дуума быыбара саҕаланна. Саха сиригэр бары учаастактааҕы быыбардыыр хамыыһыйалар аһыллан үлэлии тураллар. Саха дьонун үрдүк көҕө миигин үөрдэр. Хас биирдии киһи куолаһа дойдуга суолталаах уонна наада. Ордук бүгүн, биһиги буойуттарбыт фроҥҥа Ийэ дойдуну көмүскүүр кэмнэригэр. Манна, тыылга, быыбарга кыттан, биһиги сомоҕолоһуубутун, тулуурбутун уонна Кыайыы туһугар барытын оҥорорго биһиги булгуруйбат санаабытын көрдөрөбүт. Быыбар тэрээһиннээхтик уонна аһаҕастык ааһыа диэн эрэнэбин», — диэн Саха сирин баһылыга Айсен Николаев бэлиэтээтэ.
