Хой
Сарсыардаттан сонун истэн, күннээҕи былааҥҥын уларытарга күһэллиэҥ. Эрдэттэн сөпкө дьаһаннаххына, сүпсүлгэн эйигин тумнуо. Киэһэ, үлэҥ кэнниттэн, элбэх дьыаланы былааннаама, сынньанарыҥ ордук.
Оҕус
Бүгүн өр быһаарыллыбакка сылдьыбыт боппуруоскун олоххо киллэрэр түгэн көстүөҕэ. Ол кэнниттэн атын дьыалалары оҥорорго судургу буолуо.
Игирэлэр
Өр көрсүбэтэх киһигин кытта кэпсэтиэҥ. Үлэни, айаны кытта сибээстээх этии киириэ. Сөбүлэһэргэ тиэтэйимэ, барытын сиһилии билэ сатаа.
Араак
Үлэҥ чааһа дьиэтээҕи эбээһинэстэргин кытта биир бириэмэҕэ түбэһиэн сөп. Аймахтаргар эн көмөҥ наада буолуо. Кыһалҕалары барытын бэйэҥ быһаара сатаама, чугас дьоҥҥуттан көмөтө көрдөө.
Хахай
Күннэтэ туттар туһалаах тэрилиҥ алдьанан, эрдэ былааннамматаххын атыылаһыаҥ. Тута көрбүккүн ылыма, дьиэлээхтэргин кытта сүбэлэс.
Кыыс
Сылайбыккын сэрэйиэҥ. Хас да күн төбөҥ ыалдьар, сиһиҥ күүрэр, эбэтэр түүн сатаан утуйбат буоллаххына, бырааска тиийэргин уһатыма. Киэһэ үлэттэн аккаастан, сытан сынньанар ордук буолуо.
Ыйааһын
Эрэнэ сылдьыбыт киһиҥ бүтэһик түгэҥҥэ санаата уларыйыаҕа. Онтон сылтаан былааныҥ ыһыллыа, ол эрэн барыта табыллыа. Киэһэ чугас киһигин кытта истиҥ кэпсэтиигэ бириэмэтэ анаа.
Скорпион
Күн бастакы аҥарыгар эйигиттэн чопчу эппиэти эрэйэр ыйытыы киириэ. Өйдөспөт буолуу тахсыбатын туһуттан бу кэпсэтииттэн куотума. Күн иккис аҥарыгар бэйэҥ дьыалаларгын судургутук быһаарыаҥ.
Охчут
Биир туола илик сыал-сорук атын былааннаргар мэһэйдиирин өйдүөҥ. Ону уһаппакка-кэҥэппэккэ тута быһаар. Киэһэ сынньалаҥҥа бириэмэтэ анаа.
Чубуку
Бүгүн былааннаммыт көрсүһүүҥ, айаныҥ эбэтэр дьыалаҥ туһунан өссө биирдэ толкуйдаа. Биир кылгас кэпсэтии кыһалҕаны быһаарарга көмөлөһүөҕэ. Дьоҥҥо элбэҕи эрэннэримэ.
Күрүлгэн
Биир былааннаабыт дьыалаҥ эйигиттэн тутулуга суох быһаарыллыа, ол бириэмэҕин бэйэҕэр эбэтэр дьиэ кэргэҥҥэр анаа. Киэһэ күнүҥ бэккэ ааспытын санаан астыныаҥ.
Балыктар
Чугас киһигэр эн болҕомтоҥ уонна көмөҥ наада буолуо. Үлэҕэр атыҥҥа аралдьыйыма. Киэһэ бэйэҥ былааннаргын ситиһэн, күҥҥүн этэҥҥэ түмүктүөҥ.
Аһаҕас источниктан ылылынна.
