РФ үөрэҕириитин министиэристибэтэ үөрэнээччилэр билиилэрин бэрэбиэркэлиир универсальнай быраабылалары оҥорон эрэгийиэннэргэ ыытта. Саҥаны киллэрии сыананы объективнай уонна биир көрүҥнээх оҥорорго ананар. БУ туһунан ТАСС-ка биэдэмистибэ баһылыга Сергей Кравцов иһитиннэрдэ.
Сергей Кравцов этэринэн, учууталларга сүрүн предметтэргэ хонтуруоллуур үлэлэри сыаналыырга чуолкай инструкция бэлэмнэннэ.
Ону таһынан РФ субъектарыгар оскуола оҕолорун дьыктааннарын, сочинениеларын, изложенияларын уонна тылынан эппиэттэрин бэрэбиэркэлиир рекомендациялар ыытылыннылар. Докумуон ону тэҥэ лабораторнай уонна практическай үлэлэри, үөрэх бырайыактарын сыаналааһыны регламенныыр.
«Учууталларга сүрүн предметтэргэ типовой үлэлэри хайдах сыаналыырга биир быраабыла оҥоһулунна. Рекомендациялар педагогическай кээмэйдэр Федеральнай институттарын кытта сөбүлэһэллэр», — диэн Кравцов этиитин ТАСС тириэртэ.
