«Сахаэнерго» Аллараа Халыматааҕы РЭС үлэһитэ Николай Вырдылин чукотскай национальнай тэйкэв тустууга аан дойдутааҕы турнир кыайыылааҕынан буолла. Күрэхтэһии Чукотскай автономнай уокурук Билибино бөһүөлэгэр «Спортивнай национальнай оонньуулар» бэстибээл чэрчитинэн ыытылынна, диэн иһитиннэрэр «Якутскэнерго».
21 саастаах 2-с разрядтаах тарҕатар ситимнэри эксплуатацияҕа электромонтер, өрөмүөннүүр-экплуатациялыыр учаастак үлэһитэ Арассыыйа сүүмэрдэммит хамаандатыгар 65 кг диэри ыйааһыннаахтар категорияларыгар кытынна. Финалга кини Иран спортсмена Суруш Хуссейнины 10:0 ахсааннаах рекорднай баһыйыылаахтык кыайан, Арассыыйа хамаандатыгар бастакы миэстэни аҕалла.
Тэрилтэҕэ эппиттэринэн, Николай Вырдылин анал идэтин ылан баран тута «Сахаэнергоҕа» үлэҕэ киирбит. Национальнай единоборстволарынан оҕо эрдэҕиттэн дьарыктанар, оттон билигин үлэтиттэн быыс булан көҥүл тустуунан уонна хапсаҕайынан эрчиллэр.
