Саха сирин судаарыстыбаннай опера уонна балет театрын директора Владислав Левочкин «Биир Ньыгыл Россия» саҥардыллыбыт Норуот бырагыраамата култуура сайдыытыгар улахан болҕомтотун уурарын бэлиэтээтэ.
“ “Биир Ньыгыл Россия” дьиҥнээх дьыала баартыйата. Дьону истэр, эппит кыһалҕаларын быһаарыыны ситиһэр кыахтааҕын дакаастаата. Саха сирин олохтоохторо ону билэллэр. Баартыйа үлэтин түмүгэ бүгүн өрөспүүбүлүкэ бары улуустарыгар биллэр. Чуолаан, култуура сайдыытыгар элбэҕи оҥордо. Кэнники сылларга Саха сиригэр 36 кулууп, культура дьиэтэ, бибилэтиэкэ тутулунна. 39 култуура эбийиэгэ уонна 17 ускуустуба оскуолата өрөмүөннэннэ. 65 култуура тэрилтэтэ аныгы оборудованиеларынан, музыкальнай инструменнарынан хааччылынна. Биир дойдулаахтарбыт айар сайдыыга, сынньалаҥҥа саҥа кыахтары ыллылар», — диэтэ Владислав Левочкин.
Баартыйа саҥардыллыбыт Народнай бырагыраамата эмиэ култуура сайдыытыгар улахан болҕомтотун уурарын тоһоҕолоон бэлиэтээтэ. Ити өрөспүүбүлүкэҕэ музейдары, култуура дьиэлэрин, бибилэтиэкэлэри, киинэ саалларын, театрдары саҥардыыны уонна аныгы техниканан хааччыйыыны салгыыр кыаҕы биэриэҕэ. Саха сирин норуоттарын култуураларын, үгэстэрин, тылларын харыстааһыҥҥа, ону тэҥэ дойду регионнарын икки ардыларыгар култуурунай сибээһи сайыннарыыга уонна холбоһуктаах бырайыактары олоххо киллэриигэ ураты болҕомто ууруллуоҕа.
“«Биир Ньыгыл Россия» репутациятын уонна кини ааспыт үлэтин түмүгүн учуоттаан, дьон бары баҕа санаалара олоххо киирэллэригэр саарбахтаабаппын. Ааспыт быыбарга баартыйа иһин куоластаабыт биир дойдулаахтарбыт эмиэ маннык толкуйдуулларыгар эрэллээхпин», — диэн бэлиэтээтэ кини.
