От ыйын 15-18 күннэригэр Монголия Архангай аймакка ARA-бэстибээл чэрчитинэн мас-рестлинг аан дойдутааҕы турнира ыытыллар. Күрэхтэһиигэ Россия сүүмэрдэммит хамаандатын састаабыгар саха спортсменнара кыттыахтара. Ол туһунан «Триумф» киин иһитиннэрэр.
Турнир мас-рестлинг аан дойдутааҕы федерациятын быраабылатынан ыытыллар уонна тус туттарыылаах. Хас биирдии национальнай федерация хас биирдии ыйааһыҥҥа биир спортсмены, ылынар өрүт — Монголия мас-рестлинг Федерацията — иккилии кыттааччыны киллэриэн сөп.
Турнирга кыттыыны Австралия, Кыргызстан, Монголия, Пакистан, Кэриэйэ Өрөспүүбүлүкэтэ, Арассыыйа уонна Филиппин сүүмэрдэммит хамаандалара бигэргэттилэр.
Россия сүүмэрдэммит хамаандатын састаабыгар кылаабынай тренер Айсен Атастыров салалтатынан кыттыахтара:
65 кг — Эрик Пермяков;
75 кг — Константин Жирков;
90 кг — Гарри Сдвижков;
125 кг — Семён Степанов;
125 кг үөһэ — Сергей Фролкин.
Күрэхтэһии бырагыраамата:
От ыйын 15 күнэ — мустуу күнэ;
От ыйын 16 күнэ — кыттааччылары регистрациялааһын — ыйааһын, сэрэбиэй уонна судьуйалар мунньахтара;
От ыйын 17 күнэ — күрэхтэһии: үөрүүлээх аһыллыы, барыллаан, финал аҥара уонна финал киирсиилэрэ, наҕараадалааһын сиэрэ-туома;
От ыйын 18 — тарҕаһыы.
