Приморскай кыраай оскуолаларыгар париотическай иитии тиэмэлээх тэтэрээттэр туттуллуохтара. «Алеша» тааҥка легендарнай экипаһа уруһуйдаах үөрэх тэрилэ оҕолорго бэриллиэҕэ.
Тэтэрээттэри кэлэр үөрэх дьылыгар тутуохтара. Ол туһунан кыраай бырабыыталыстыбатын бэрэссэдээтэлэ, бастакы вице-губернатор Вера Щербина эттэ.
Санаттахха, ВСУ бронегруппатын кимэн киириитин соҕотоҕун утарыласпыт «Алеша» тааҥка легендарнай экипаһыгар Россия Геройдарын сулустарын анаабыттара. РФ президенэ Владимир Путин тус бэйэтэ наҕараадалары туттарбыта. Састаапка Саха сириттэн икки байыас баар: Алексей Неустроев Уус Алдантан уонна Филипп Евсеев Сунтаартан.
